Për shkak të koronavirusit është anuluar Eurovision 2020 që do mbahej në Roterdam. Shqipëria do të përfaqësohej nga këngëtarja Arilena Ara, por kjo situatë kritike që po mposht botën, ka detyruar organizatorët e këtij festivali të marrin masa drastike.
Lajmin e ka bërë të ditur vetë faqja zyrtare e Eurovision-it në Instagram, ku shkruhet se është shtyrë me një vit mbajtja e festivalit.
Këtë vit Shqipëria do të përfaqësohej nga Arilena Ara, e cila do të këndonte “Fall from the sky”, në natën e dytë të festivalit.
Pasiguria e krijuar nga përhapja e COVID-19 në të gjithë botën, kanë detyruar të ndërmarrin këtë vendim, duke e shtyrë për në vitin 2021.
Postimi i plotë:
“Me keqardhje të thellë ne duhet të shpallim anulimin e Eurovision Song Contest 2020 në Roterdam.
Gjatë javëve të fundit ne kemi eksploruar shumë mundësi alternative për të lejuar konkursin e këngës në Eurovision të zhvillohet.
Sidoqoftë, pasiguria e krijuar nga përhapja e COVID-19 në të gjithë Evropën – dhe kufizimet e vendosura nga qeveritë e transmetuesve pjesëmarrës dhe autoritetet Hollandeze – do të thotë se Unioni Evropian i Transmetuesve (EBU) ka marrë vendimin e vështirë se është e pamundur të vazhdojmë me ngjarjen live siç ishte planifikuar.
Jemi shumë krenarë që Eurovision Song Contest ka bashkuar audiencën çdo vit, pa ndërprerje, për 64 vitet e fundit dhe ne, si miliona tifozë në të gjithë botën, jemi jashtëzakonisht të pikëlluar që nuk mund të zhvillohet në maj.
EBU, NPO, NOS, AVROTROS dhe Qyteti i Roterdamit do të vazhdojnë një bisedë në lidhje me mbajtjen e Konkursit të Këngës në Eurovision në 2021″.
