Në Angli sot ishin programuar për t’u luajtur katër takime, 2 prej tyre në Fa Cup dhe dy prej tyre në kampionat. Duke pasur parasysh se ndeshja e kampionatit e caktuar për sot në orën 16:00 mes Totenhemit të Murinjos dhe Sauthemptonit nuk do të luhet pasi këtë të fundit janë po sot në transfertën e FA Cup ndaj ‘qershive’ të Bërnmuthit. Ja cilat do të jenë tre ndeshjet e mbetura:
18:00 Everton – Mançester Siti FA Cup
Mançester Siti do të vazhdojë kërkimin e ‘pokerit’ të trofeve në atë që do të ishte një arritje e jashtëzakonshme kur të vizitojë Evertonin e Karlo Ançelotit në çerekfinalen e sotme në FA Cup.
Skuadra e Pep Guardiolës ka një epërsi prej 14 pikësh në krye të renditjes së Premier League-ës dhe kaloi këtë mesjavë në çerekfinale të Ligës së Kampionëve, por janë një hap larg një udhëtimi tjetër (do të luajnë ndaj Totenhemit finalen e Kupës së Ligës) në Wembley kur të udhëtojnë në Goodison Park të Evertonit.
Për blutë e Karlos James Rodriguez po kthehet nga dëmtimi, por ndeshja e kupës sot vjen shumë herët për mesfushorin kolumbian.
13:15 Bërnmuth – Sauthempton FA Cup
Sauthempton do të bëjë një udhëtim të shkurtër nëpër bregdetin e jugut për t’u përballur me Bërnmuthin këtë të shtunë në çerekfinalet e FA Cup.
‘Qershitë’ e Bërnmuthit kaluan në raundin e 1/4-ave falë një fitoreje 2-0 në Burnley në raundin e mëparshëm, ndërsa Sauthemptoni gjithashtu fitoi 2-0 kundër kolegut të Premier League-s Wolverhampton Wanderers.
21:00 Brajton – Njukasëll Premier League
Brajtoni luan futboll të shkëlqyer, por ende nuk ka kuptuar se si ta shndërrojë lojën në fitore të rregullta. Fitorja 2-1 ndaj Sauthemptonit ishte më e fundit që ndërpreu një seri me pesë ndeshje pa fitore, dhe pulëbardhat tani po kërkojnë të fitojnë 2 ndeshje radhazi në ligë për herë të dytë që nga nëntori 2019.
Përkundër formës së vështirë, Brajtoni do të mundohet të shijojë Mjukasëllin, rezultatet e dobëta të të cilit i shkojnë përshtat lojërave të mjerueshme.
