Ultrasit e Slavias postojnë banderolën raciste plot krenari në Insta

Në një postim në Instagram, në një faqe të huliganëve të Slavia Pragës  shfaqet një banderolë raciste  që kishte në shënjestër futbollistin me ngjyrë Kamara, të cilit i kanë bërë dhe TAG, ku shkruhej: “Kamara – vetëm një majmun“.

Nëse nuk e keni parë ndeshjen, të enjten mbrëma (Rejnxhërs- Slavia Praga), një grindje e ashpër shpërtheu pasi lojtari i Slavias Ondrej Kudela dyshohet se shprehu ofendime raciste ndaj mesfushorit të Rejnxhërsit Kamara.

Pas përfundimit të ndeshjes, trajneri i skocezëve, Steven Gerrard pohoi se Kamara kishte pësuar ofendimin racist.

“Unë besoj 100% atë që thotë ai në lidhje me akuzën,” tha Gerrard për BT Sport.