Shumë njerëz nga Shqipëria, Kosova dhe jo vetëm janë solidarizuar me banorët e prekur nga tërmeti 6.4 ballë që tronditi vendin dy ditë më parë.
Ndihma të shumta janë mbledhur nga brenda dhe jashtë vendit për t’i ardhur në ndihmë banorëve, të cilët kanë mbetur pa strehim dhe veshmbathje. Kësaj nisme i është bashkuar edhe kabineti qeveritar, i cili ka vendosur të dhurojë rrogën e muajit nëntor për të prekurit nga kjo tragjedi.
Kryeministri, ministrat dhe zëvendësit e tyre do të japin rrogën e tyre si një akt solidariteti me qytetarët e Durrësit dhe Tiranës.
