Për shkaqe të cilat u thanë se ishin shëndetësore, prej një jave Andi nuk ka qenë prezentë në “PërPuthen”. Dje, në nisje të puntatës, moderatorja Bora Zemani zbuloi se Andi ka refuzuar komunikimet me produksionin, duke mos treguar nëse do të vijojë të marrë pjesë në program.
“Nuk e dimë se çfarë ka ndodhur me Andin, çfarë e ka bërë të stepet, deri në këtë moment ka qenë shumë korrekt, serioz”, tha Zemani.
Ndërkohë, e pyetur rreth situatës në fjalë, Tea tha se ajo ka komunikime të vazhdueshme, por Andi ka hatërmbetje me produksionin.
“Kam vazhduar komunikimin me Andin, kemi folur përmes Whats App-it, ka qenë goxha sëmurë, ka patur infeksion të rëndë në bajame. Do doja ta lija atë të fliste për hatërmbetjet me produksionin. Nuk dua të them fjalë në emër të tij”.
