Ambasadorja amerikane në Shqipëri Yuri Kim, edhe pse vetëm pak ditë në Shqipëri, nuk ka humbur kohë. Ajo gjatë ditëve të fundit ka zhvilluar takime me të gjithë aktorët politikë në vend. Sot paradite ajo ka pasur një takim me kryeministrin Edi Rama.
Sipas informacioneve, ky takim ka qenë përtej një takimi kortezie, por ka qenë i fokusuar kryesisht në bisedimin e aktualitetit politik dhe sidomos vijueshmërinë në reformën në drejtësi dhe atë zgjedhore.
Më herët dje dhe para dy ditësh, Kim ka zhvilluar takime me ministrin e jashtëm Gent Cakaj, ministren e mbrojtjes Olta Xhacka, ministrin e Brendshëm Sandër Lleshaj, Kryeprokurorin Olsjan Çela, Presidentin Ilir Meta.
