Ambasadori i Bashkimit Europian në Tiranë, Luigi Soreca është takuar ditën e sotme me kryetarin e Partisë Demorkatike, Lulzim Basha.
Lajmin e ka bërë të ditur vetë Soreca, përmes një postimi në rrjetet sociale. Soreca bëri me dije se me Bashën ka shkëmbyer mendime mbi situatën aktuale politike pas zgjedhjeve, integrimin në BE, median dhe Reformën në Drejtësi.
“Diskutim i gjatë sot mes ambasadorit të BE në Tiranë dhe kreut të PD, Lulzim Basha. Në funksion të legjislaturës së re, ku opozita do të luajë një rol vendimtar, ne shkëmbyem mendimet mbi situatën aktuale politike pas zgjedhjeve, integrimin në BE, median dhe Reformën në Drejtësi”, shkruan ambasadori Soreca në rrjetin social, Twitter.
Long Exchange today between the #EU??Heads of Missions and Chairman @lulzimbasha_al??.
In view of the new legislature, where the opposition will play a crucial role, we exchanged views on the current political situation post-elections, EU integration, media and justice reform. pic.twitter.com/sr9mOlK7SN— Luigi Soreca?? (@LSorecaEU) July 7, 2021
Takimi i Sorecës me Bashës, vjen pasi Kuvendi i Shqipërisë ka votuar për kreun e ri të Autoritetit të Mediave Audiovizive (AMA). Me 83 vota pro, Kuvendi zgjodhi Armela Krasniqin si kryetare të këtij institucioni, ndërsa kandidati tjetër Alket Dibra mori vetëm 9 vota.
Ky vendim i Kuvendit, vjen në kundërshtim me këshillën e dhënë nga BE dhe OSBE. Pak para votimit për kreun e AMA-s në Kuvend, delegacioni i Bashkimit Europian në Shqipëri u ka bërë thirrje ligjvënësve shqiptarë ta shtyjnë këtë procedurë bashkë me emërimin e anëtarëve të bordit të këtij autoriteti në muajin shtator, nisur nga akuzat e opozitë se maxhoranca po tenton ta kapë këtë institucion.