Ambasadorja e re e SHBA në Tiranë Yuri Kim ka vijuar takimet me zyrtarët e lartë të vendit tonë.
Ajo ka shkuar sot në dyert e Prokurorisë së Posaçme, ku është takuar me prokurorët, që do të hetojnë krimin dhe korrupsionin në nivele të larta.
Përmes një mesazhi në Facebook, Ambasada Amerikane në Tiranë thekson se takimi i sotëm i ambasadores Kim dhe prokurorët e SPAK “ofroi një mundësi të shkëlqyer për të shkëmbyer pikëpamjet mbi ndihmën e vazhdueshme të SHBA”.
“Takimi i sotëm i Ambasadores së Shteteve të Bashkuara Yuri Kim me prokurorët e Zyrës së Prokurorisë së Posaçme ofroi një mundësi të shkëlqyer për të shkëmbyer pikëpamjet mbi ndihmën e vazhdueshme teknike të Shteteve të Bashkuara, ndërsa ata përballen me krimin e organizuar dhe hedhin hapat e para për të themeluar Byronë Kombëtare të Hetimit. #ShbaQendronKrahShqiperise”, thuhet në njoftimin e Ambasadës Amerikane.
