Ambasada Amerikane: Shihni si Reforma në Drejtësi do të sigurojë çdokënd

Ambasada Amerikane ka publikuar një video në faqen zyrtare në Facebook, përmes së cilës fton qytetarët që të “shohin dhe të kuptojnë sesi kjo reformë do të sigurojë që të gjithë të jenë të barabartë para ligjit”.

“Çfarë është Reforma në Drejtësi? Si po zbatohet? Si do të ndikojë në jetën tënde dhe në jetët e shqiptarëve? Sot, në 3 vjetorin e miratimit të Reformës në Drejtësi, shihni këtë video të thjeshtë për të mësuar se si Reforma në Drejtësi do të sigurojë që çdokush të jetë i barabartë përpara ligjit”, shkruhet në postimin e Ambasadës.