Ish-ministri i Drejtësisë, Ylli Manjani, ka hedhur thumbin e radhës, pas publikimit nga Ambasada Amerikane në Tiranë të disa pamjeve për të ngritur sallën moderne të gjyqit imitues. Në të mund të realizohen trajnime praktike dhe të bazuara në përvojën e drejtpërdrejtë të kandidatëve për gjyqtarë.
Sipas Manjanit, kjo është një ironi e madhe, pasi Ambasada reklamon projekte të vjetra, të cilat sipas tij, nuk janë një ndihme efektive.
Manjani shprehet më tej me ironi se rregullojmë sallat e gjyqit, por u heqim gjyqtarët. Prodhojmë aktorë të mirë, por edhe gjykatës vulnerabël që ti shkarkojnë brutalisht, sipas nevojës për “sukses”.
Statusi
Çfarë ironie!
Këto gjyqet imituese që prodhon USAID në Tiranë dhe na i shet për ndihmë, janë shumë domethënëse.
Në vitin 1996 u fut për herë të parë kjo ide masovike nga USAID dhe Fondacioni Soros në Tiranë.
Studentë të atëhershëm të Fakultetit të Drejtësisë luajtën role në ato gjyqe mjaft suksesshëm. Jam i bindur seata mësuan disa shprehi praktike mbi gjyqin në ato programe.
Mirëpo sot ata ish studentë, që u bënë gjykatës e prokurorë i ka zënë vettingu dhe enden në Strasbourg për të kërkuar të drejtat e tyre që, ua hoqi po USAID nga procese reale shumë të diskutueshme…
Ambasada sot i reklamon këto projekte të vjetra.
Ndihmë efektive, apo jo?!
Rregullojmë sallat e gjyqit por u heqim gjyqtarët. Prodhojmë aktorë të mirë,por edhe gjykatës vulnerabël që ti shkarkojnë brutalisht, sipas nevojës për “sukses”…
Vetëm drejtësi jo!
