Lirohet nga kampi në Siri 11-vjeçari shqiptar Alvin Berisha. Lajmi i largimit nga kampi i “ferrit” Al-Hol është konfirmua nga babai i tij për “News24”.
Mësohet se i mituri shqiptar ndodhet momentalisht në Damask. Në operacionin për shpëtimin e tij u angazhua dhe konsullata shqiptare së bashku me inteligjencën italiane.
Në foton e publikuar nga analisti i njohur i çështjeve ndërkombëtare dhe kombëtare, Ilir Kulla ai shihet në praninë e një prej punonjësve të Gjysmëhënës së kuqe siriane i buzëqeshur.
Rasti i Alvinit u publikua fillimisht nga emisioni italian “Le Iene”. Historia preku shumë persona, pasi babai i tij, Afrim Berisha, e kërkonte prej vitit 2014. Kur nëna e tij shqiptare braktisi familjen në Itali ku jetonin prej vitesh dhe e mori Alvinin, në atë kohë 6 vjeç, në kampin Al Hol.
