Një telefonatë anonime ka “ngritur në këmbë” policinë, pas një alarmi për bombë në godinën e Gjykatës së Apelit në Tiranë. Në sallën operative ka ardhur një telefonatë anonime, ku është shprehur se në gjykatë është vendosur një bombë.
Policia është vënë menjëherë në lëvizje, duke ushtruar kontrolle intensive brenda ambienteve të SPAK, por nuk ka arritur që të identifikojë diçka.
Uniformat blu kanë verifikuar imtësisht te gjitha godinat e gjykatave, dhe pavarësisht se rezultoi alarm i rremë, forcat policore ndodhen ende në zonë.
Ndërkohë po punohet për zbardhjen e plotë të ngjarjes, për të mësuar më shumë detaje rreth këtij alarmi të rremë.
