Edhe pse tashmë Kosova zyrtarisht ka një kryeministër të ri, Avdullah Hotin, duket se Albin Kurti nuk dorëzohet.
Ish-kryeministri Kurti ka paralajmëruar së fundmi një tubim, i cili pritet të zhvillohet me 12 Qershor.
Ndërkohë vazhdon mbledhja e nënshkrimeve të peticionit “Duam Zgjedhje” anembanë Kosovës.
Postimi i tij në Facebook: “Tubim në Sheshin “Skënderbeu”, të premten me 12 qershor.
Në mbledhjen e sotme me Qendrat e Lëvizjes VETËVENDOSJE! diskutuam për shumë çështje politike dhe organizative. Nga data 10 qershor 2020 e deri më 17 qershor 2020 mbahet “Java e Lëvizjes”, organizim yni ky tradicional i përvitshëm me aktivitete të shumta.
Në veçanti Qendrat tona shprehën gatishmërinë dhe interesimin që 21 vjetori i çlirimit të Kosovës dhe 15 vjetori i VETËVENDOSJE!-s, të premten e ardhshme të 12 qershorit 2020, të shënohet me një tubim publik, duke e mbajtur distancën, në Sheshin ‘Skënderbeu’ në Prishtinë. Ndërkohë vazhdon mbledhja e nënshkrimeve të peticionit “Duam Zgjedhje!” anembanë Kosovës…”
