Pas alarmit të rremë për bombë në makinën e gjyqtarit në Korçë, ka ardhur edhe reagimi i telefonuesit Neim Behari, i cili vuan dënimin në burgun e Drenovës.
Behari ka pohuar se ishte ai personi që porositi lëndën eksplozive për ta vendosur në mjetin e gjyqtarit Markeliano Kuqo.
“Eksplozivin e porosita unë. Kam shume çështje me gjyqtarin Markeljan Kuqo. Ai ka shkelur te gjitha te drejtat e mia. E paralajmërova fillimisht por nuk e kam kërcënuar”, deklaroi ai.
Sipas BalkanWeb, i burgosuri ka akuzuar gjyqtarin se vendimet e tij të padrejta do i kushtojnë jetën, teksa shton se “s’do i gjendet as kocka e fundit”.
“Kam shumë çështje me gjyqtarin Markeljan Kuqo. Ai ka shkelur të gjitha të drejtat e mia. E paralajmërova fillimisht por nuk e kam kërcënuar. Ai është një mesazh dhe e kupton shumë mirë gjyqtari. Më njeh më shumë se ç’duhet. I kam kërkuar transferim dhe as e ka marrë parasysh. Nuk është ai askush të tallet me mua. Vendimet e tij të gabuara do i kushtojnë me jetën e tij. Ketë ia kam thënë shumë herë. Dhe jam i bindur qe s’do i gjendet as kocka e fundit. Më njohin të gjithë se kush jam dhe ku kam punuar më herët. I dënuar për vrasje jam dhe për këtë po vuaj dënimin. Jam dakord. Por të tallet një palo gjyqtar me të drejtat e mia nuk ia fal sa të kem jetë. Zbardhni të vërtetat dhe çdo gjë që ka lidhje me atë person. Është shkelës i ligjit ai dhe jo unë”, thuhet në dëshminë e të burgosurit.
