Futboll

Akuzoi futbollistin se e kishte abuzuar, lëshohet urdhër arresti për modelen


               Publikuar në : 08:44 - 17/01/20 B H

Gjykata spanjolle ka lëshuar një urdhër arresti për modelen ruso-spanjolle, Luisa Kremleva e cila akuzohet për mashtrim.

Modelja denoncoi në vitin 2017 mbrojtësin e Milanit, Theo Hernandez se ai kishte abuzuar seksualisht me të në një klub nate në Marbela të Spanjës.

Si për ta vërtetuar këtë gjë, modelja publikoi edhe disa foto me hematoma në fytyrë dhe në duar. Ajo u shpreh në atë kohë se plagët ia kishte shkaktuar futbollisti francez kur ata ndodheshin në makinë.

Hernandez nuk u arrestua në atë kohë, por çështja u arkivua. Më vonë dolën në dritë informacione të reja në lidhje me këtë çështje. U zbulua se modelja kishte bërë edhe tre denoncime të tjera të ngjashme për dhunë seksuale në të njëjtin stacion policie.

Policia doli në përfundime se modelja kishte shumë mangësi në akuzat e saj, duke i deklaruar akuzat e saj si të rreme. Gjykata e Marbelas hodhi poshtë sot akuzat ndaj futbollistit, duke i cilësuar deklaratat e modeles një mashtrim dhe lëshoi mandat-arrestin.


Kthehu
WhatsApp Denonco ne TT