Conor McGregr është rikthyer edhe njëherë në qendër të mediave, pasi nxori lajmërimin se do të tërhiqet nga UFC. Por ishte një lajm tjetër i publikuar nga prestigjiozja “New York Times” që bëri më shumë bujë, e ciula shkruante se McGregor, po hetohet nga policia irlandeze për një ngjarje të ndodhur në dhjetor të vitit të kaluar.
Gjithsesi, burime pranë McGregor deklaruan: “Nuk ka asnjë akuzë konkrete karshi Conor McGregor, por vetëm disa hetime. Kjo është një histori e vjetër dhe nuk e kuptojmë se kujt i intereson ta nxjerrë në dritë në këto momente. Konfirmoj se nuk ka asnjë lidhje lajmi i tërheqjes së McGregor nga sporti me akuzat për abuzim seksual”, tha Karen J.Kesser.
Më tej, zëdhënësi i shtypit të irlandezit shtoi: “Nëse McGregor do të duelojë apo jo në të ardhmen është çështje tjetër. Luftëtarët respektohen për aftësitë dhe vlerat e tyre, punën e fortë dhe dedikimin që kanë për sportin”. Irlandezi nuk duelon që prej tetorit të vitit të kaluar, kur u mund në eventin UFC-229 nga Khabib Nurmagomedov.
