Një shqiptar banues në Angli ka dalë sot para Gjykatës në Teesside, pasi akuzohet për vrasjen e një shtetasi me origjinë nga India.
Mediat britanike bëjnë me dije se Gjykata ka vendosur masën “Arrest me burg” për Florian Markun. Ndërkohë seanca e radhës do të zhvillohet në shkurt të vitit të ardhshëm.
Në lidhje me këtë ngjarje janë arrestuar edhe Anxhelo Xhaferi, 22 vjeç dhe Dorian Pirija, 31 vjeç. Edhe këta të fundit do të dalin para gjykatës në muajin shkurt, ku do të përballen me akuzën e vrasjes.
Ngjarja në fjalë ka ndodhur në 15 shtator të këtij viti.