Kryetari i Partisë Demokratike, Lulzim Basha ka reaguar ndaj akuzave të kryetarit të Bashkisë Tiranë Erion Veliaj.
Veliaj tha se Basha la protestën e Astirit, për të marrë makinë dhe vila luksoze.
Në një bashkëbisedim me gazetarët në selinë blu, Basha u shpreh se për dy akuzat e para ka çuar padi në prokurori.
Basha informoi se të hënën do ngrejë padi të tretë kundër Veliajt, kësaj rradhe për shpifje.
Lulzim Basha: ”Për të 3 gënjeshtrat e vemjes që bëhen për të tërhequr vëmendjen nga aferat ku është kapur ai dhe shefi i tij është dorëzuar padi. Të hënën dorëzohet padia tjetër sa i përket inceneratorëve. Ky është studim i BB dhe Bashkisë Tiranë që bënte të mundur që kontenierët të futeshin nën tokë brenda një viti dhe trajtimi në Sharrë të bëhej për 12 euro nga 29 euro që bën ky hajduti. Këto fakte do merren nga hetimet. Çfarë çmimesh kishte përgatitur BB dhe me çfarë çmimesh po i bëjnë këta. Nuk kanë për të shpëtuar me gënjeshtra. Shumë shpejt do përballet në prokurori dhe në gjykatë me fakte të patjetërsueshme.”
https://www.facebook.com/lulzimbasha.al/videos/359705858686762/
