Ministri i Brendshëm Fatmir Xhafaj në seancën e sotme plenare, në diskutimin e projektligjit për vettingun në policinë e shtetit, i është përgjigjur kritikave dhe akuzave nga opozita për atë që e kanë quajtur, policia e kanabizuar apo inkriminuar.
Ai i ka kërkuar kritikeve “mos nxitoheni dhe mos spekuloni”, teksa tha se kjo qeveri e ka pranuar të vërteten dhe është duke u përballur me të për ta luftuar. Sipas tij, trafikut dhe kultivimit te kanabisit nuk i kanë shpëtuar as punonjësit e policisë së shtetit.
“Për baltën e radhës te hedhur s’po formuloj përgjigje, por po i lë të lirë në ligësinë e tyre, gjë e certifikuar si e tillë në diskursin e tyre publik, por ne respekt te opinionit publik, është momenti të jap përgjigje për disa akuzave të këtij debati në qëllimin e këtij projektligji e kanë konsideruar një zgjidhje shqiptare, dikush ka deliruar më tej dhe e ka konsideruar një praktikë komuniste, si dhe vetë vetingun në drejtësi.
Jo vetëm ligësia dhe injoranca i ka bërë këtë lloj personazhesh të mos kenë lexuar se ajo çfarë përmban ky pr/ligj është standard ndërkombëtar, është proces më se i zakonshëm që zbatohet në shumë nga agjencitë ligj-zbatuese në vendet me demokraci të zhvilluar n Britani, Itali,…javën e kaluar në Angli më shpjegonin procesin e kontrollit për punonjësin e tyre të këtyre agjencive ligjz-batuese. Ky kontroll është i përvitshëm, punonjësit dhe familjarët mbi 16 vjec që bashkëjeton me subjektin që vetohet, edhe prirjet sociale apo varësit nga droga dhe alkooli.
Të shërbesh në strukturat e sigurisë publike është mision dhe ndaj kontrolli është periodik dhe i imtësishëm. Si pranimi i faktit që policia është e korruptuar, ne e kemi pranuar se në radhët e policisë si dhe në radhët e drejtësisë ka individë të korruptuar, të paaftë dhe për fat të keq edhe të përfshirë në mbështetje apo veprimtari kriminale jo sot por për vite të tera. Kultivimi i kanabisit dhe trafiku i saj nuk ka kursyer edhe punonjës të policisë së shtetit ndaj jemi të ndërgjegjësuar kur themi që kjo është e rrezikshme, e kemi parë të vërtetën në sy dhe kemi vendosur të përballemi me këto fenomene.
Jemi shumë të qartë dhe të vendosur në goditjen e grupeve kriminale dhe aseteve të krijuar ndaj tyre. Ka akoma shumë për të bërë, por tashmë, veprimi i policisë është më i strukturuar dhe garanton goditje shumëdimensionale. Po punojmë për të goditur këto grupe kriminale. Nëse përfaqësues të politikes, qofshin te majte apo te djathte, janë në një mënyrë apo një tjetër në marrëdhënie me grupe kriminale, kanë mbështetje financiare apo çdo lloj interesi tjetër, siguroj që asnjë lloj imuniteti s’do i përjashtojë ata nga goditja e ligjit”. TIRANA TODAY
