Shumë sekte po shkatërrojnë njerëzit. Numri i tyre është gjithmonë e më në rritje, duke zbuluar kësisoj boshllëkun shpirtëror nga i cili vuan sot njeriu, ndërkohë që këto sekte pretendojnë se mund ta mbushin atë. Këto sekte pretendojnë se zotërojnë përgjigje për çdo pyetje, dhe mbi të gjitha për atë më kryesoren: kuptimin e jetës. Një rast i tillë raportohet në Turqi. Protagonist është bërë një aktor i njohur turk, i cili ka futur djalin e tij në një nga këto sekte.
Aktori i njohur për publikun shqiptar me rolin e Polat Alemdar-it në serialin e famshëm “Lugina e Ujqërve”, Necati Şaşmaz është akuzuar nga ish-bashkëshortja se e ka rekrutuar djalin e tyre në një kult fetar. Nagehan Kaşıkçım e cila po ashtu është aktore, ka publikuar një video nga sekti “Kadiri Nejati Shashmaz”, ku bën pjesë ish-burri i saj dhe djali i tyre 8-vjeçar.
“Djali im tetë-vjeçar ishte viktimë e këtij kulti. Ata e shohin si udhëheqës dhe i puthin dorën. Nuk dua që fëmijët e mi të përfshihen në këtë kult, ku praktikat janë çnjerëzore”, ka thënë ajo.
Në kundërpërgjigje, aktori turk së bashku me avokatët e tij deklaruan se kulti nuk është i vërtetë, dhe ritet e përshkruara nga ish-bashkëshortja nuk janë të vërteta.
Këto sekte për të cilat ka pak informacione, pretendojnë se kanë në dorë zgjidhjen për të gjitha problemet që ka krijuar qytetërimi perëndimor: sëmundjet, stresin, çmendurinë, ankthet etj.
