Në puntatën e fundit të emisionit të Luana Vjollcës, pati një debat të vogël mes aktorit të ‘Portokalli’-së, Rezart Veleshnja dhe bukuroshes Kleoniki Delijorgji. Pas kësaj përplasje, ata vijuan të ofendonin njëri-tjetrin në rrjetet sociale, dhe duket se ende nuk e kanë mbyllur këtë çështje.
Debati u zhvendos nga studioja e “Shiko kush luan”, në rrjetet sociale. Ishte Kleoniki ajo që bëri një status për Rezin në Instastory, ku e cilësonte “seksist, mizogjen, djall”.
Nga ana tjetër, aktori nuk ka ngurruar t’i përmendte babain, biznesmenin Mihal Delijorgji, pronar i fabrikës në Gërdec ku pati viktima.
Për të hedhur poshtë këto kritika, modelja ka publikuar një foto krah të atit, ku shkruan se i ati është i pafajshëm rreth ngjarjes së rëndë që ka ndodhur në Gërdec, teksa shton se ai e ka arritur çdo gjë vetë dhe është njeri i drejtë.
Kleoniki i cilëson personat që i kanë sharë familjen në inbox si “dele të mediave, politikës dhe sistemit”.
