Policia e Tiranës në bashkëpunim me atë të Shkodrës, RENEA-n dhe Forcat e Ndërhyrjes së Shpejtë kanë arrestuar sot dy persona me rrezikshmëri të lartë shoqërore. Forcat e RENEA-s rrethuan zonën e Komunës së Parisit, ku është zhvilluar një operacion në më shumë se prej 60 minutash. Ka pasur një informacion nga qytetarët se një person i kërkuar nga policia fshihej në këtë zonë prej ditësh.
Bëhet fjalë për Barush Bregu , 33 vjeç, lindur në Shkodër. Ky shtetas është i dënuar me 4 vite burg për kultivim të bimëve narkotike, e kryer në bashkëpunim, në vitin 2016, si dhe me masë sigurie “Arrest në burg”. Gjithashtu ky shtetas është i skeduar si pjesëtar i një grupi kriminal dhe është i dyshuar edhe si autor për ngjarje të tjera të rënda kriminale të ndodhura në qarkun Shkodër më parë, si dhe autor i dyshuar për “Trafikim të lëndëve narkotike”.
Njoftimi i policisë:
Operacion për kapjen e personave në kërkim, me rrezikshmëri të lartë shoqërore. Finalizohet me sukses operacioni policor “Kompleksi”. Kapet dhe arrestohet një pjestar i një grupi kriminal. Arrestohet edhe një shtetas tjetër për përkrahje të autorit të krimit.Operacioni nga Policia e Shkodrës, në bashkëpunim me Renean, FNSH e forcat Shqiponja të Drejtorisë Vendore të Policisë Tiranë. Operacioni u zhvillua në lagjen “Komuna e Parisit”, Tiranë, ku në një banesë të marrë me qera u kap dhe u arrestua shtetasi i shpallur në kërkim:
Barush Bregu , 33 vjeç, lindur në Shkodër. Ky shtetas është i dënuar me 4 vite burg për kultivim të bimëve narkotike, e kryer në bashkëpunim, në vitin 2016, si dhe me masë sigurie “Arrest në burg”, për armëmbajtje pa leje , pasi në shtator të vitit 2018, gjatë një operacioni të zhvilluar nga Policia, në banesën e këtij shtetasi u gjet një armë zjarri kallashnikov dhe municion luftarak.
Gjithashtu ky shtetas është i skeduar si pjesëtar i një grupi kriminal dhe është i dyshuar edhe si autor për ngjarje të tjera të rënda kriminale të ndodhura në qarkun Shkodër më parë, si dhe autor i dyshuar për “Trafikim të lëndëve narkotike”.
Po gjatë operacionit u arrestua ne flagrance dhe shtetasi B. Ç. 21 vjeç, banues në Shkodër për veprën penale “Përkrahja e autorit të krimit”. Materialet do ti kalojnë Prokurorisë së Rrethit Gjyqësor Shkodër për veprime të mëtejshme, për veprat penale të “Mbajtja pa leje dhe prodhimi i armëve, armëve shpërthyese dhe i municionit” dhe “Kultivimi i bimëve narkotike, e kryer në bashkëpunim”.
Ky operacion policor po kryhet për llogari të një qarku tjetër të vendit, ndërsa priten të jepen detaje të reja për aksionin në fjalë.
Blutë e kryeqytetit nuk kanë dhënë detaje për emrin e personit që pritet të arrestohet si dhe në tarracat e pallateve pranë Komunës së Parisit janë vendosur disa efektivë policie të pajisur me snajperë.
