Një aksident tragjik i mori jetën dy të rinjve dhe dy të tjerë u plagosën mbrëmjen e së shtunës në autostradën Milot-Fushë Krujë.
Erald Uzuni, 26 vjeç, ky që shihni në këtë foto, ishte në timonin e automjetit Volkswagen me targa AA 744 NJ, i cili doli nga rruga ku udhëtonin 4 të rinj nga Tirana.
Ngjarja e rëndë ndodhi orës 19:58 të së shtunës. Gjithashtu viktimë e këtij aksidenti mbeti dhe Klodian Vladi, 21 vjeç. Edhe pse të rinjtë u dërguan në spital nuk mundën t’i mbijetonin plagëve.
Ndërsa 2 pasagjerët e tjerë, 18-vjeçari M.U. dhe 23-vjeçari A.C., ndodhen nën kujdesin mjekësor. Policia thotë se 23-vjeçari ndodhet në gjendje të rëndë shëndetësore, kurse pasagjeri tjetër është jashtë rrezikut për jetën.
