Një aksident i rëndë ka ndodhur në Maqedoni, ku një autobus doli nga rruga dhe bilanci ishte me 13 të vdekur. Pas kësaj ngjarje të rëndë ka reaguar edhe kryeministri Edi Rama. Përmes një postimi në ’Twitter’, Rama shkruan se u gjendet pranë shpirtërisht familjareve të viktimave.
“Pikëllim për tragjedinë e autobusit në vendin fqinj të Maqedonisë së Veriut, ku numri i viktimave e të plagosurve ka tronditur e shqetësuar aq shumë familje. U jemi pranë shpirtërisht të gjitha familjeve dhe të gjithë vendit mik”, shkruan Rama.
