Ka shkuar në 3 numri i viktimave nga aksidenti i ndodhur mbrëmë rreth orës 22:30 në Kavajë. Fillimisht u raportua se në këtë aksident tragjik humbën jetën Gentja Belba, 23 vjeç dhe Lumturie Demrozi 46 vjeç.
Ndërkohë, mësohet se ka ndërruar jetë edhe i riu 24 vjeçar Vilson Cara, i cili ishte edhe drejtuesi i mjetit. Sipas policisë drejtuesi i mjetit tip ‘Benz’ me targe AA 615 VO që për të shmangur disa këmbësorë që tentonin të kalonin nga njëri krah i rrugës në krahun tjetër ka humbur kontrollin mbi mjet, edhe si pasojë edhe e lagështirës mjeti është përplasur me tabelën e një karburanti çka ka sjellë vdekjen e tij si dhe të dy personave të tjerë.
Sakaq, vajza e viktimës Lumturie Demrozi Xh.D. 21 vjeçe ndodhet në spital jashte rrezikut për jetën.
