Një shtetas shqiptar ka humbur jetën në Rimini të Italisë, pasi është përplasur nga një automjet.
Sipas mediave italiane, 63 vjeçari shqiptar ka qenë duke ecur anash rrugës, kur një makinë me shpejtësi të madhe e ka përplasur. Mësohet se nga përplasja trupi i shqiptarit është zhvendosur disa me metra më tutje. Përplasja ka qenë e fortë dhe si pasojë ai ka humbur jetën menjëherë.
Në vendngjarje kanë mbërritur forcat e policisë të cilët kanë filluar të hetojnë për rastin. Deri tani ende nuk është bërë i ditur identiteti i viktimës.
