Një aksident fatmirësisht pa të lënduar ka ndodhur sot në autostradën Balldre-Lezhë, në vendin e quajtur “Ura e Muratit”. Tre automjete janë përplasur me njëri-tjetrin, ndërsa janë shkaktuar vetëm dëme materiale, raporton” abcnews.al”.
Duket se një mjet “Audi” është bërë shkak për këtë aksident të trefishtë. Banorët e zonës të cilët kanë qenë pranë vendit të ngjarjes, kanë deklaruar se ka qenë shpejtësia e mjetit “Audi”, që ka bërë që ai të dalë nga rruga dhe të bëhet shkak i përplasjes së trefishtë. Një nga automjetet ka qenë i parkuar në momentin e ngjarjes, dhe ka marrë dëmtime të rënda.
