Një aksident i rëndë ka ndodhur mesditën e sotme në rrugën “Teodor Keko” në Tiranë. Ngjarja ka ndodhur rreth orës 13:00 dhe mësohet se një makinë ka përplasur një këmbësor. Policia bën me dije se automjeti me drejtues me inicialet SH.P., ka përplasur këmbësoren me iniciale E.Ç.
E aksidentuara është transportuar me urgjencë në spital dhe sipas të dhënave është jashtë rrezikut për jetën. Nga ana tjetër, policia në vendngjarje po punon për sqarimin e rrethanave. Drejtuesi i automjetit është shoqëruar për në komisariat për veprimet procedurale.
