Një aksident rrugor me pasojë vdekjen e dy personave ka ndodhur në aksin rrugor Fier-Lushnjë. Nga përplasja e dy mjeteve ka humbur jetën njëri nga shoferët dhe një pasagjere, ndërkohë kanë nisur hetimet për zbardhjen e plotë të ngjarjes së rëndë.
Njoftimi i policisë:
“Në datën 20.08.2019, rreth orës 02:20, në aksin rrugor Fier-Lushnjë, në fshatin Savër, është përplasur automjeti tip “Benz” me drejtues shtetasin E.Gj, 29 vjeç, banues në Pirrë, Lushnjë, me automjetin tip “Benz” me drejtues shtetasin I.T, 64 vjeç, banues në Rrapëz, Lushnjë.
Për pasojë kanë ndërruar jetë shtetasi I.T dhe pasagjerja që ndodhej me të në mjet. Po punohet për identifikimin e shtetases që ka ndërruar jetë. Është shoqëruar shtetasi E.Gj dhe po kryen veprimet procedurale për arrestimin e tij. Grupi hetimor po punon për zbardhjen e plotë të kësaj ngjarje”.
