Mbrëmjen e djeshme, një makinë e eskortës së Sali Berishës është përfshirë në një aksident rrugor në aksin Milot-Mamurras, teksa ktheheshin nga “Foltorja”. Një mjet e cila ka dalë nga një karburant është futur kundërvajtje në autostradë, duke dalë ballë për ballë me vargun e makinave të eskortës së Sali Berishës. Raportohet se makina ku udhëtonte ish-kryeministri ka mundur të devijojë, pa u aksidentuar.
Ervis Tusha, truproja i Sali Berishës ka deklaruar se shkak është bërë një makinë me targa të Kosovës që po ecte në kundravajtje dhe me shpejtësi tej normave të lejuara.
“Pas takimit në qytetin e Laçit, rreth orës 19:02, rrugës në kthim në autostradën Milot-Mamurras, në drejtimin tonë vjen një Mercedes i Bardhë 190 me targa të Kosovës, me shpejtësi në kundravajtje”, ka deklaruar ai.
Ja se çfarë njoftonte policia
“Në aksin rrugor Milot- Fushë Mamurras, mjeti me drejtues shtetasin A.M., ka goditur mjetin me drejtues shtetasin S.L., e më pas ka goditur mjetin shoqërues të eskortës deputetit S.B. Si pasojë kanë marrë dëmtime të lehta 2 shtetas banues në Kosovë. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes”, njofton policia.
Aksident i qëllimshëm ndaj ish-kryeministrit?
Deputetja Grida Duma e ka hedhur poshtë idenë se aksidenti në të cilin u përfshi eksorta e ish-kryeministrit Sali Berisha, të ishte e qëllimshme. E ftuar në “Zonë e lire”, Duma tha se kjo është e pamundur.
Grida Duma: I askujt, i askujt, nuk është armik Berisha. Amerikanët e nxorrën non-grata, por kaq. Pse armik e kanë ata Berishën këtu në Shqipëri? Nuk i kanë dhënë ende informacionet se përse e kanë shpallur non-grata. Nuk diskutohet që nuk do të thonë asgjë.
Arian Çani: Si mendon, është lajm banal ky aksidenti i Berishës?
Arian Curri: Të shkon mendja, ku s’të shkon.
Grida Duma: Fare nuk më shkon mendja, asgjëkundi, harroje…
Arian Çani: Një makinë hyri kundravajtje, në PD ka pasur aksidente vazhdimisht.
Grida Duma: Këto janë konspiracione, konspiracione.
Arian Çani: Mund të ishte një paralajmërim, boll se po shkon larg.
Grida Duma: Jo, jo Çani, nuk e prek njeri Berishën.
