E enjte, 20 Janar, 2022
-1.5 C
Tirana

Aksidenti tragjik/Bullgaria do dëmshpërblejë të afërmit e viktimave

Pas zisë vjen kërkimi i drejtësisë për familjarët e të vdekurve, në aksidentin e rëndë rrugor në autostradën e Strumës. Gjykata mund t’i japë deri në 250 mijë leva (125.000 euro) dëmshpërblim familjarëve, nëse vërtetohet se rruga është shkaku i vdekjes së dhjetëra personave, shkruan Monitor.

“Faji për incidentin është kompleks, si i shoferit të autobusit, ashtu edhe i infrastrukturës së ndërtuar në zonën e aksidentit”, tha avokati Nikolaj Dimitrov. Sipas tij, në leximin e parë drejtuesi i mjetit nuk ka respektuar kushtet e rrugës dhe ka zvogëluar dukshmërinë.

Por nga ana tjetër, mund të vërtetohet edhe fajësia në rrugën e ndërtuar dhe mirëmbajtjen e saj. Kjo e bën të lehtë për të bërë një analogji me tragjedinë në Svoge, ku humbën jetën 20 persona. Sepse ka pasur probleme edhe në rrugë, dhe më saktë në projektimin e saj.

Familjarët e viktimave mund të paraqesin kërkesë, për kompensimin e dëmit jo material.

“Rasti është i komplikuar, sepse numri i të vdekurve është i madh, dhe kufijtë e sigurimit të përgjegjësisë civile të autobusit në Maqedoninë veriore janë të kufizuara, dhe nuk do të mund të mbulojnë të gjitha kërkesat e trashëgimtarëve”, tha avokati Dimitrov.

“Llogaritjet tregojnë se paratë nga sigurimet, nuk do të mjaftojnë as një të dhjetën për të mbuluar dëmet. Kështu, nëse vërtetohet faji i Agjencisë vendase të Infrastrukturës Rrugore (ARN) dhe siguruesit të autobusëve, me shumë mundësi të gjithë trashëgimtarët do të pretendojnë shërbimin rrugor, sepse vendi ynë është shumë më pagues”.

Ekspertët nga kompanitë bullgare të sigurimit, komentuan se shuma pritet të arrijë të paktën 25 milionë leva, (12.5 milion euro).

Fëmijët e rritur jetimë mund të marrin deri në 200.000 BGN për një prind të humbur, për një vëlla, motër, gjyshe ose gjysh të vdekur shuma është rreth 50.000 BGN.

Lexo edhe :   Aksidentohet autobusi me 29 pasagjerë shqiptarë në Bullgari

Shërbimi rrugor është dënuar shpesh për mosmbajtje të një seksioni, dhe për ndërtim të dobët të rrugëve tregon praktika gjyqësore. Çështjet civile mund të zgjasin rreth një vit e gjysmë, dhe çështjet penale do të zgjasin më shumë.

Lexo edhe :   Aksidentohet autobusi me 29 pasagjerë shqiptarë në Bullgari

Sipas informacioneve fillestare, disa firma të mëdha ligjore bullgare, i kanë ofruar tashmë ndihmë qeverisë maqedonase për të mbrojtur interesat e të afërmve para gjykatës bullgare.

Burimi i lajmit: blitz.bg. Përshtatur nga Tirana Today

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...