Një aksident i rëndë rrugor është regjistruar pasditen e sotme në aksin rrugor Rrogozhinë –Lushnje.
Raportohet se shtetasi, Ervin Besholi, duke drejtuar mjetin tip “Benz” ka përplasur në afërsi të fshatit Dushk, një qytetar që po kalonte me biçikletë.
Si pasojë ka mbetur i vdekur drejtuesi i biçikletës, Lulzim Sharka 60 vjeç, banues në Lushnje. Policia njofton se është shoqëruar në Komisariat drejtuesi i mjetit dhe po kryhen veprimet proceduriale. Grupi hetimor po punon për zbardhjen e rrethanave të ngjarjes.
