Kryeministri i Shqipërisë Edi Rama teksa është takuar me qytetarët e Elbasanit, ka folur për platformën e mundësive dhe planet e qeverisë. Rama tha se shqiptarët nuk pranojnë edhe kur janë gabim, ndërsa nuk la pa sulmuar edhe kreun e PD-së Lulzim Basha në lidhje me shkrimin investigativ të revistës së “Mother Jones”.
Kreu i qeverisë i është përgjigjur edhe shqetësimit të një banori, i cili kishte marrë gjobë në aktivitetin e tij në mënyrë të padrejtë.
“Unë deri më sot nuk ka takuar asnjë shqiptarë të më thotë se jam në rregull. Kur thotë edhe kreu i opozitës se jam në rregull, që në fakt nuk është në rregull, imagjino se ç farë do të bëjë pastaj një kasap. Nëse je i bindur se ke të drejtë, të drejtën duhet ta kërkosh”-tha Rama.
Ndërkohë tematikë tjetër e ngritur nga qytetarët ishte dhe ndërtimi i rrugës Tiranë-Elbasan. Banorët i kërkuan Ramës përfundimin e këtij segmenti, ndërsa vetë Rama iu drejtua ministri të Infrastrukturës duke i thënë: Ose do ta mbaroj këtë aks rrugor, ose do të mbaroj ai vetë”.
Gjiknuri deklaroi se së bashku me ministrin e Financave dhe të Ekonoimisë, Arben Ahmetaj do të bëhet e mundur rishpërndarja e fondeve dhe rregullimi i aksit Tiranë-Elbasan.
Rama: O do ta mbaroj, ose mbaron!
Gjiknuri: Ne do ta bëjmë të mundur që ta mbarojmë atë punë, por për ne ka prioritet dhe kjo rrugë do të përfundoj. Qytetari ka gjithmonë të drejtë, kjo është aksioma e shenjtë dhe si e tillë duhet të respektohet deri në fund.
