Aida Hajnaj do të marrë sot detyrën si drejtuesja e re e Byrosë Kombëtare të Hetimit. Kjo është përshëndetur nga Ambasada Amerikane në Tiranë, e cila thekson se ky është një gur i rëndësishëm kilometrik për Shqipërinë.
Po kështu, Ambasada Amerikane përgëzon Shqipërinë për marrjen e një hapi më tej drejt drejtësisë që shqiptarët kërkojnë dhe meritojnë.
Aida Hajnaj është zyrtarisht drejtuese e Byrosë Kombëtare të Hetimit, që njihet si FBI shqiptare. Ajo u emërua unanimisht nga Këshilli i Lartë i Prokurorisë. Aida Hajnaj u propozua nga SPAK, pasi 3 kandidatët e tjerë ishin skualifikuar. Ministrja e Drejtësisë, Etilda Gjonaj e ka cilësuar si moment të rëndësishëm dhe një hap përpara në rezultatet e reformës në drejtësi emërimin e drejtueses së Byrosë Kombëtare të Hetimit.
Statusi
Sot, zj. Aida Hajnaj, merr detyrën si drejtuesja e parë e Byrosë Kombëtare të Hetimit. Ky është një gur i rëndësishëm kilometrik, jo vetëm për sistemin shqiptar të drejtësisë, por gjithashtu për gratë në role drejtuese.
Në përputhje me kërkesat e ligjit shqiptar, Hajnaj përfundoi një program trajnimi posaçërisht të krijuar nga Programi Ndërkombëtar i Ndihmës së Trajnimit të Hetimit Kriminal (ICITAP) në Shqipëri, të fokusuar në procesin përzgjedhës të hetuesve të BKH, në etikën profesionale në BKH, në procedurat e disiplinës në BKH, në përdorimin e forcës dhe armëve të zjarrit nga BKH, rregulloren mbi përdorimin e poligrafit në BKH, në marrëdhëniet e BKH me Policinë e Shtetit dhe mbi rolin vëzhgues të Komisionit Ndërkombëtar të BKH. Ne përgëzojmë Shqipërinë për marrjen e një hapi më tej drejt drejtësisë që shqiptarët kërkojnë dhe meritojnë.
https://www.facebook.com/usembassytirana/posts/10157663272880838
