E enjte, 20 Janar, 2022
-3.5 C
Tirana

Ahmetaj: Letrat e pronës me një klikim, qytetarët do të çlirohen nga burokracia

Zëvendëskryeministri Arben Ahmetaj, gjatë fjalës së tij në takimin “Dixhitalizimi i Kadastrës”, deklaroi se qytetarët do e kenë mundësinë që të marrin dokumentet e pronës me një klikim. Tashmë procedurat do të jenë më të thjeshta, e më transparente.

Ahmetaj foli në lidhje me lehtësimet burokratike që do të kenë qytetarët, fal avancimit të teknologjisë së informacionit. Ahmetaj u shpreh se dixhitalizimi i Kadastrës është një projekt, i cili synon që qytetarët të kenë shkresën e pronës së tyre me një klikim në telefon. Ai theksoi ndër të tjera se gjatë vitit 2022, do të bëhet dixhitalizimi i të gjitha pronave në zonën e bregdetit.

“Kjo që po bëjmë sot është çlirimi i fazës së fundit nga barra e Kadastrës. E drejta e të gëzuarit të pronës, është në themel të së drejtës së njeriut. Një institucion ka detyrë përderisa qëndron aty, që të inovojë. Nuk jam duke folur thjesht për ASHK-në, por për një qeveri të tërë, qasje të tërë për pronën. Imagjinoni dikë nga ju, nga qytetarët që ka një pronë në bregdet, po kalon vite e mund të pafund për të pasur në dorë letrën që të gëzojë pronën e vetë, apo që ia kanë trashëguar prindërit. Me këtë, qeveria e vendos veten drejtpërsëdrejti përgjegjëse për ta bërë transparente, dhe të thjesht, gëzimin e pronësisë veç me një klikim. Bëhet në modë kritika, por dua të them që këtu me Kadastrën kemi shumë punë për të bërë. I patë arkivat. Ato janë arkiva të 1950 dhe 1960.

Imagjinoni punën e një punonjësi të Kadastrës, kur një qytetar kërkon letrën dhe të drejtën e vetë. Me muaj dhe ditë duhet të gërmojë në Kadastër vendimet. Kjo që po bëjnë nuk është vetëm dixhitalizim. Në arkivat dixhitale do të jenë gati për 1 minutë. Beteja me të kaluarën nuk janë të thjeshta. Arkiva duhet të jetë një nga kështjellat e fundit të të kaluarës. Arkivat nuk janë prekur në 30 vite. Nuk po mburremi fare për atë që po nisim sot. Kemi nisur një revolucion, që të themi se shoqëria e teknologjisë së informacionit, të jetë e çliruar në raport me burokracitë me qytetarët. Dua të pranoj se shumë është bërë në teknologjinë e informacionit. Kur e nisëm këtë revolucion para tre vite e gjysmë, kishte dhe cinikë se si do ta bëni?! Shqiptarët duan të që shkojnë të dritarja. Kultura e shoqërisë dhe qytetarëve po shkon drejt lehtësimit të jetës së tyre drejt dixhitalizimit. Kemi shumë punë për të bërë, është me dy faza. Në vitin 2022 do të marrim fashën e bregdetit, dhe paralel po zhvillohet projekti. Dua të falenderoj donatorët, edhe për shtytjen që na kanë dhënë në vazhdimësi. Pyetjen që bëjnë së bashku; Kujt i takon Shqipëria? Kaosit apo qytetarëve? Shqipëria është e qytetarëve. Kadastra ka nevojë që të jetë fytyra e buzëqeshur”, tha Ahmetaj.

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...