E premte, 28 Janar, 2022
4.5 C
Tirana

Agron Duka dhe 200 shqiptarë ngecin në aeroportin gjerman

Situata e krijuar nga koronavirusi po shkakton probleme të mëdha me trafikun ajror në Europë duke anuluar fluturime të shumta.

Nisur nga situata e krijuar, kompania WizzAir që bën linjën Memingen Gjermani-Tiranë nuk kreu sipas parashikimeve fluturimin e radhës ditën e sotme duke lënë në aeroport qindra shqiptarë.

Mes atyre që pritën disa orë në aeroportin e Memingenit është edhe kreu i Partisë Agrare Ambientaliste Agron Duka.

Në një lidhje telefonike me “Abc News”, Duka u shpreh se fluturimi ishte planifikuar në orën 07:00 të mëngjesit, por punonjësit e kompanisë WizzAir nuk janë paraqitur në punë nga frika e koronavirusit.

Kjo ka shkaktuar irritimin e udhëtarëve, të cilët njoftuan konsullatën shqiptare në Mynih si edhe ministrinë e Jashtme në Tiranë.

Pas ndërhyrjes së autoriteteve është bërë i mundur fluturimi në orët e mesditës.

Siç shprehet Duka, fluturimi do të bëhet në orën 13:30 pasi kompania Wizz Air u detyrua ta kryejë pavarësisht hezitimit të punonjësve.

“Kam katër ditë në Gjermani. U paraqita sot në mëngjes në aeroport dhe avioni nuk u nis. Kjo, jo për shkak të koronavirusit, por sepse punonjësit nuk u paraqiten në punë. Kishte një neglizhencë të madhe nga kompania. Ndërhynë ministria e Jashtme dhe Konsullata në Mynih deri sa zgjidhën çështjen. Tani kemi bërë check in dhe do të nisemi”, u shpreh ai në një intervistë telefonike në “Abc News”.

- Reklama -

Më shumë nga kategoria




Të fundit

O mosmirënjohës, Berisha ju bëri njerëz ju nuk i jepni as dorën

Nga: Nikoll Lesi Sot shkoi në parlament, pas 4 muajve mungesë prej “Foltores”, ish-kryeministri Berisha. Foli, trazoi, turbulloi qetësinë e parlamentit dhe iku. Por ajo që...

Tr*toli në banesën e të vëllait, Agron Duka: Jam trembur shumë

Kreu i PAA-së, Agron Duka, ka shprehur shqetësimin pas shpërthimit të tritolit në shtëpinë e Armand Dukës, duke vënë në dukje se është i...

Zyrtari i DASH mesazh Berishës: Një i korruptuar s’mund të jetë fytyra e PD

Zv/Ndihmës Sekretari Amerikan i Shtetit, Gabriel Escobar, thekson se një person i shpallur "non grata" për korrupsion, nuk mund të jetë fytyra e PD-së....

Mesazhet e Nokës me Nikollën e Manjën/Alibeaj: “Foltorja” bashkëpunon me Ramën

Në seancën e djeshme plenare të zhvilluar në Kuvend, mediat kanë kapur bisedat nga celulari i deputetit demokrat Flamur Noka, që ka zhvilluar në...

“Non grata”, Berisha: Kam bindjen se SHBA do ta korrigjojë gabimin

Për Berishën, deklarimi “non grata” nga ana e SHBA-së, është i bazuar në shpifje. Në emisonin "Opinion" në Tv Klan, Berisha ka deklaruar se...