E enjte, 21 Tetor, 2021
8.5 C
Tirana

Afganët/ Rama: Nuk presim favore nga Uashingtoni, jemi vend mikpritës

Nga Nju Jorku, kryeministri Edi Rama ka dhënë një intervistë për televizionin francez TV5monde. Kreu i qeverisë u është përgjigjur një sërë pyetjesh në lidhje me të ardhmen evropiane të vendit, eksodin e popullsisë dhe pritjes së refugjatëve nga Afganistani.

I pyetur nëse Shqipëria po përpiqet që të fitojë favore nga Uashingtoni, duke strehuar të paktën 4.000 refugjatë afganë, Rama tha se kërkesa për strehimin e tyre nuk erdhi nga qeveria amerikane, por nga organizata humanitare në SHBA. Kryeministri citoi se Shqipëria është një vend që historikisht e ka treguar që hap dyert për ata që kanë nevojë.

Edi Rama, Shqipëria është zotuar të presë përkohësisht 4 mijë refugjatë afganë, deri sa ata të marrin një vizë për të shkuar në SHBA. Ju kemi parë që keni shkuar t’i takoni. Vendi juaj është vendosur në pararojë për pritjen e tyre, me kërkesë të SHBA-së. Po përpiqeni të përfitoni favore nga Uashingtoni?

“Jo. Nuk është kaq e thjeshtë. Së pari, ne s’ua hapëm derën me kërkesë të SHBA-së, të qeverisë së SHBA-së. E hapëm derën sapo na kontaktuan disa organizata humanitare dhe Të Të Drejtave të Njeriut në SHBA, dhe thamë “PO”. Sepse për ne, kjo është çështje respekti ndaj historisë, ne jemi një vend mikpritës. Një vend që me krenari ka qenë vendi i vetëm në Evropë që pati më shumë hebrenj pas Luftës së Dytë Botërore….se sa para saj, dhe ku asnjë hebre nuk iu dorëzua nazistëve. Jemi një vend që ka pritur gjysmë milion refugjatë lufte që u ikën masakrave të regjimit të Sllobodan Milosheviçit në 1999, dhe jemi një vend ku është shumë e rëndësishme që të mos harrohet, se ka një kohë për të kërkuar, ka një kohë për të dhënë.

Lexo edhe :   Ndryshimet kushtetuese, Rama: I hapur për diskutime, por jo me pasqyra
Lexo edhe :   Vettingu për politikanët, çfarë di Basha që ne nuk e dimë?

Ne kemi qenë afganët para 30 vjetëve, dhe po të mos kishte qenë mikpritja e italianëve dhe e të tjerëve, nuk do të kishim mundur të dilnim nga ferri ynë, që nuk ishte një ferr i talebanëve islamistë, por ishte një ferr i talebanëve të kuq. Për të gjitha këto, për ne kjo është thjesht e natyrshme”, deklaroi Rama.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...