Një aeroplan u rrëzua mëngjesin e sotëm në një zonë të populluar në Brazil, e për pasojë tre persona humbën jetën.
Ngjarja e rëndë u shënua në Caicara, vetëm pak minuta pasi u ngrit nga aeroporti Carlos Prates, raporton “The Sun”. Aeroplani u përplas me automjete në rrugë, duke shpërthyer më pas në flakë, e duke djegur edhe disa banesa përreth.
Ende nuk është e qartë nëse viktimat janë kalimtarë, shoferë apo banorë.
Nga ana tjetër, sipas mediave lokale, në të njëjtin vend, një tjetër aeroplan u rrëzua në prill të këtij viti.
