Dy adoleshentë janë shtrirë në lokal në gjendje të rëndë pasi dyshohet se kishin konsumuar alkool tej mase.
Burime për “Ballkanweb” bëjnë me dije se adoleshentët janë dërguar me urgjencë në spital dhe ngjarja ka ndodhur në një nga lokalet në lagjen Kala pranë Teatrit Skampa, Elbasan.
Sipas burimeve zyrtare, do të shoqërohet në polici administratori i lokalit, banakieri dhe kamerierët, të cilët do pyeten rreth ngjarjes.
Ndërkohë dy adoleshentët do t’ju nënshtrohen të gjitha ekzaminimeve mjekësore.
Dyshimet paraprake krahas konsumit të alkoolit janë edhe për përdorimin prej tyre të lëndëve narkotike.
