Blutë e Tiranës kanë vënë në pranga një 71-vjeçar, pas publikimit të pamjeve në media ku i moshuari abuzonte me një të mitur. Policia ka ndaluar shtetasin me inicialet H.M., ndërsa shfaqet në disa pamje, duke tentuar të kryejë marrëdhënie me një të mitur.
Po kështu burimet zyrtare konfirmojnë se policia ka kryer veprimet procedurale, përfshirë marrjen e dëshmisë së të miturit në prani të prindit e psikologut, si dhe sekuestrimin e pamjeve filmike.
“Specialistët për Hetimin e Krimit në Komisariatin e Policisë Nr. 2, kanë ndaluar 71-vjeçarin H.M., për veprat penale “Marrëdhënie seksuale apo homoseksuale me të mitur”, “Ngacmim seksual” dhe “Vepra të turpshme”. Ai shfaqet në disa pamje duke tentuar të kryejë marrëdhënie me një të mitur.
Policia ka kryer të gjitha veprimet procedurale, përfshirë marrjen e dëshmisë së të miturit në prani të prindit e psikologut, si dhe sekuestrimin e pamjeve filmike”.
