Një tjetër rast i rëndë, i abuzimit ndaj të miturave është raportuar në vendin tonë. Një 53-vjeçar në Gjirokastër është vënë në pranga, pasi dyshohet që të ketë abuzuar seksualisht me një të mitur.
Blutë e Gjirokatrës kanë ndaluar shtetasin me inicialet K. H., 53 vjeç, banues në Libohovë, pasi dyshohet se në periudha të ndryshme kohore ka kryer marrëdhënie seksuale me dhunë me një 16-vjeçare.
Vajza ndodhet në spital, për të marrë ndihmë mjekësore dhe për t’iu nënshtruar ekzaminimeve të mëtejshme.
Lidhur me këtë rast, materialet hetimore në ngarkim të 53-vjeçarit u referuan në Prokurorisë pranë Gjykatës së Shkallës së Parë Gjirokastër, për veprën penale “Marrëdhënie seksuale ose homoseksuale më dhunë, me të mitur të moshës 14-18 vjeç”.
