Para disa muajsh, abuzimi i rojes së shkollës në Babrru, Abaz Doga, me një vajzë të mitur, tronditi Tiranën. Kjo për shkak të fenomenit tronditës që është i pranishëm çdo ditë në çdo qytet të Shqipërisë.
Ditën e sotme, Gjykata e Tiranës ka shpallur fajtor 65 -vjeçarin Doga, duke e dënuar më 12 vite burg për kryerjen e veprës penale “Marrëdhënie seksuale me dhunë me të mitur”.
Gjithashtu gjykata ka dënuar dhe të miturit e përfshirë në këtë skandal, më saktësisht 7 vite dhe 4 muaj burg për Klajdi Poçin, 3 vite dhe 8 muaj burg për 16-vjeçarin me iniciale R.O., si dhe të 15-vjeçarit me iniciale F.B. me 3 vite dhe 4 muaj burg.
Ngjarja është zbuluar vitin e kaluar kur 15- vjeçarja denoncoi 65-vjeçarin, pasi ai kishte abuzuar me të për një vit rresht. E mitura nuk ka treguar që në fillim që ai e ka detyruar të kryejë marrëdhënie intime me të, pasi ai e ka kërcënuar se kishte një foto të asaj me një djalë. Pasi ka abuzuar me të, ai ka bërë video intime dhe këtë këtë video ua kishte dhënë tre shtetasve, të sipërpërmendur të cilët në bashkëpunim me njëri-tjetrin, nën kërcënimin e publikimit të videos, kanë kryer marrëdhënie seksuale me dhunë me të miturën. Ngjarja e ndodhur në maj të vitit të kaluar, shkaktoi protesta të shumta.
