Tirana dhe Prishtina u bënë një, duke protestuar për të drejtat e një të miture e cila u abuzua nga 5 persona. Kjo ngjarje tronditi opinion publik. E mitura 11-vjeçare mblodhi në sheshin “Nënë Tereza” ashtu siç ishte paralajmëruar, aktivistë, njerëz të ekranit, këngëtarë, gazetarë por edhe bashkëmoshatarë të saj.
Pas ngjarjes së rëndë në Prishtinë, qytetarët janë sensibilizuar në masë duke protestuar. Në protestën e thirrur nga Fifi kanë marrë pjesë disa emra publik, mes tyre Beatrix Ramosaj, Monika Lubonja, Zhaklin Lekatari dhe Anxhela Peristeri.
“Stop heshtjes. Nuk janë të sëmurë, janë përdhunues. Unë jam fëmijë! Pizhamet e mia nuk janë seksi”, janë disa nga pankartat që mbanin protestuesit në Tiranë, si mesazh për ngjarjen e rëndë në Prishtinë.
Me brohoritjet “Mbrojtje për vajzat dhe gratë”, “Shteti fajtor”, “Përdhunimi është krim”, “Jo, do të thotë Jo”, “Nuk po ndihem e sigurtë” “Edhe sa”, qytetarët marshuan nga sheshi Zahir Pajaziti drejt ndërtesës së Këshillit Gjyqësor të Kosovës dhe Qeverisë së Kosovës.
“Jo do të thotë Jo”, ishte një ndër pankartat gjatë protestës në Prishtinë kundër dhunës ndaj grave dhe vajzave.
