Abuzimi me tenderin e përzgjedhjes së kompanisë prodhuese të uniformave të Policisë së Shtetit, u kushtoi lirinë 8 zyrtarëve. Dy ditë më parë, Gjykata Speciale kundër Korrupsionit vendosi masat për zyrtarët dhe ish-zyrtarët e Ministrisë së Brendshme, që kanë abuzuar me tenderin e uniformave të policisë së vitit 2020.
Ish-drejtoresha e Prokurimeve Publike në Ministrinë e Brendshme, Edlira Naqellari, ka ndryshuar çmimet, sasinë dhe cilësinë e uniformave të kërkuara nga Policia e Shtetit dhe ka favorizuar fituesin. Sipas përgjimeve të SPAK, këto veprime të paligjshme Naqellari i ka kryer në bashkëpunim me zyrtarët e tjerë të arrestuar.
Gazetarja Anila Hoxha, në një status shkruan se Naqellari duhej të ishte në një trajnim këtë të premte.
Postimi i Anila Hoxhës:
“Drejtoresha duhet të ishte tek ky trajnimi në datën 16 korrik 2021, por u dorëhoq dhe pastaj u arrestua për skandalin e uniformave”, shkruan Anila Hoxha.
Teksa ka qenë e ftuar sot në emisionin “Breaking” në “Top News”, gazetarja tha se “Naqellari u largua. Unë kam të dhëna që kishte planifikuar të ishte në një takim si drejtoreshë në këtë të premte. Kjo do të thotë se diçka ka rrjedhur, e informacioni, dhe nuk duhej të ishte si drejtoreshë, ku këtë të premte në takim e do të përfaqësonte Drejtorinë e Prokurimeve Publike”.
