Nga: Klodian Tomorri
Raportimet ditore të Ministrisë së Shendetësisë për ecurinë e pandemisë jane të paplota, të paqarta dhe ndonjëherë edhe te dyshimta.
E para mungon informacioni mbi përdorimin e kapaciteteve spitalore.
1- Sa shtretër ka aktualisht Shqipëria te disponueshëm për trajtimin e pacienteve me Covid? Ç’pjese e tyre janë të përdorur aktualisht dhe sa janë të lirë?
2-Sa shtretër të disponueshëm ka për pacientët që kanë nevojë për terapi intensive? Sa prej tyre janë të lirë aktualisht?
3-Sa shtretër të disponueshëm janë për pacientët në gjendje kritike? Sa janë në përdorim dhe sa të lirë?
4-Sa personal mjekësor është i disponueshëm për luftën në vijen e parë. Cili eshte raporti personel mjekesor/ paciente?
Ditet e fundit mediat po publikojnë lajme qe flasin se sistemi spitalor po shkon drejt kolapsit. Mjeke dhe qytetare po denoncojnë publikisht se autoritetet kane filluar te refuzojne trajtimin e pacienteve dhe kane shtrënguar filtrat për dhënien e shërbimit. Doktor Erion Dasho kishte sot nje denoncim publik se si pacientet refuzohen, fillimisht për testim e me pas per trajtim.
Për këtë arsye, publikimi dhe bërja transparente e informacioneve për kapacitetet e sistemit shendetësor është kritik për të kuptuar se si qeveria po e menaxhon situatën. Shumica e vendeve në Europë këtë informacion e kanë publik. Suedia, Italia, Gjermania janë disa nga shembujt.
Së dyti, përtej territ informativ te kapaciteteve edhe të dhënat mbi ecurinë e pandemise jane te mangeta. Ne raportimet ditore te ISHP-se, paraqiten shifrat e të infektuarve ditor, pacientet ne terapi intensive dhe ata qe humbasin jeten nga virusi. Por paralelisht thuhet se ka dhe disa paciente te dyshuar qe po marrin trajtim prane spitaleve.
Ç’a domethënë pacientë të dyshuar që marrin trajtim? Sa janë këta?
Shkurt, dyshimet jane se dikush nuk po e tregon gjithë të vërtetën, nderkohe qe vendi po perjeton transmetim komunitar te pakontrolluar te virusit. Në këtë pike, fshehja e informacioneve eshte veper penale. E rende madje. Dhe ka raste për këtë.
Në Itali u denua gjysma e zyrës se statistikave me burg para ca vitesh, per publikim te inormacioneve zyrtare të rreme. Këtu është në lojë shëndeti publik. Eshtë mashtrim me zarar.
