Shpesh, kryetarja e LSI-së, Monika Kryemadhi, ka vënë në dukje se vendimet sa i takon partisë ajo i merr vetë, e ndërsa bashkëshorti i saj nuk ndërhyn aspak. Në muajin mars, në një prononcim për emisionin “Opinion”, Kryemadhi tha se LSI-në tani e drejton ajo dhe presidenti Ilir Meta nuk mund të ndërhyjë. “Nuk e komentoj fare presidentin. Opozita është në pozicionin e saj. A kam folur me të për krizën? Zoti Fevziu ju i keni më shumë shanset për të folur me të për krizën.
Për politikë komunikimi është zero, si bashkëshortë flas për fëmijët. Si kryetare e LSI-së asnjëherë. Sot LSI ndihet më e shëndetshme e më përpara. Unë nuk bëj politikë me Ilir Metën, bëj dashuri. Sot jam unë kryetarja e LSI, i marr unë vendimet”, tha Kryemadhi.
Por a janë shkrirë akujt mes Metës dhe Ramës pas takimit të fundit? Kryemadhi, duke u shmangur kësaj pyetje, e dha një përgjigje ngacmuese.
“Nuk besoj, është marrëdhënia e tyre, as nuk dua ta komentoj”, u shpreh Kryemadhi në “Repolitix”.
