Ndërsa OSBE po zhvillon një tryezë për Reformën Zgjedhore, kryetari i Partisë Demokratike, Lulzim Basha ka dalë në një konferencë për shtyp, ku ka përsëritur se kryeministri Rama duhet të dorëzojë mandatin.
Po ashtu, kreu i demokratëve i është përgjigjur pyetjes nëse do të ulet në një tryezë me kryeministrin për t’i dhënë zgjidhje krizës.
Sipas Bashës, pengesë nuk është PD-ja as opozita, ndërsa nënvizoi se Rama refuzoi propozimin e ndërkombëtarëve më 9 qershor për tejkalimin e krizës në vend.
“Ashtu si e kam bërë të qartë, as unë as PD e as opozita nuk kanë qenë pengesat për dialogun politik për ti dhënë fund krizës, e përsëris për çdo shqiptar dhe e përsëris, PD dhe unë i kemi thënë po propozimit të partnerëve ndërkombëtare që më 9 qershor. Ai që ka refuzuar propozimin për zgjidhjen e krizës, angazhimin e faktorit ndërkombëtar për zgjidhje e krizës është Rama se donte pushtetin lokal me proces monist antikushtetues. Ndaj ju lutem nëse ju lejon bëjani këtë pyetje, pse ka refuzuar ofertën e ndërkombëtareve për zgjidhjen e krizës, sepse nuk është as PD, as opozitë e as unë shkaktari dhe fajtoi për refuzimin e ofertës, ai është Rama”, deklaroi Basha.
