Ish-kryeministri i Kosovës, Ramush Haradinaj, ka folur rreth ftesës që Gjykata Speciale i ka çuar presidentit Thaçi, për t’u paraqitur në Hagë.
Kujtojmë se Haradinaj dha dorëheqjen nga posti i kryeministrit kur u ftua nga kjo Gjykatë, ndërsa Thaçi nuk ka vepruar në mënyrë të njëjtë.
I ftuar në emisionin Pressing në T7, Haradinaj tha se dorëheqja e Thaçit nuk e ndryshon gjendjen dhe se nuk ka peshë tashmë.
“Kur ki propozim aktakuzë, dorëheqja s’ka peshë. Nuk e di për çka është ftu, mirëpo presidenti ka dhënë deklarata edhe me herët, por Prokurori nuk e përdori. Çështja e dorëheqjes nuk është çështje kyçe në këtë rast. Këtë herë është më rëndësi totali se si menaxhohet kjo, e jo vetëm dorëheqja”, tha ai.
