Pak çaste më parë ka përfunduar mbledhja e Kryesisë së PS-së, dhe kryeministri Rama në një prononcim për mediat tha se është i angazhuar që të ofrojë alternativën më të mirë për qytetarët.
Rama tha gjithashtu se nuk është ai që vendos që opozita të futet apo jo në zgjedhje, duke shtuar se PS nuk bën regjistrime partish.
“Do të prezantojmë gjithë listën për kryetarët e Bashkive dhe anëtarëve të Këshillave Bashkiakë. Ditën e shtunë do të publikojmë emrat e kryetarëve të Bashkive, ndërkohë që kandidatët për anëtar Këshilli do ti nënshtrohen të gjitha procedurave”.
Cilat Bashki do t’ua lini aleatëve? “Ne jemi regjistruar në një koalicion, dhe kandidatët do të jenë të koalicionit”.
Do të mërziteni pa Bashën përballë?
“Duhet të kem më shumë arsye për t’u mërzitur, ajo që është më e rëndësishmja është që sistemi të garantojë pjesmarrjen e secilit, po askush nuk është i detyruar të marrë pjesë me zor në zgjedhje”.
