Këshilltari ligjor i presidentit, Bledar Dervishaj ka dhënë më shumë detaje se çfarë pritet të ndodhë më 2 mars, datë e planifikuar nga Meta për protestë.
I ftuar në emisionin “Open” në Top Channel, Dervishaj tha se me 2 mars Meta do të bëjë një takim me qytetarët konform ligjit për tubimin. Sipas tij, tubimi do të jetë i qetë “ashtu siç e thotë Kushtetuta”.
Pjesë nga diskutimi:
Çfarë do të bëj presidenti me datën 2 mars?
“Me datë 2 mars do të bëhet edhe dekreti i parë nda këtij grushti shteti, ashtu siç e ka thënë vetë presidenti. Presidenti flet me dekrete”.
Do të shpërndajë parlamentin?
“Presidenti do të bëjë çdo gjë që ia lejon Kushtetuta. Ju lutem mos më pyesni më për këtë”.
